Íslandsmótið að hefjast

Um helgina byrjar boltinn að rúlla í Íslandsmóti 3.deildar karla. Okkar menn í Dalvík/Reyni taka þá á móti Víði frá Garði.
Leikið verður á Dalvíkurvelli klukkan 13:00, laugardaginn 8. maí.

Takmarkaður miðafjöldi verður í sölu, en hér fyrir neðan má sjá mikilvægar upplýsingar fyrir áhorfendur leiksins.

Ársmiðasala er í fullum gangi. Hægt verður að kaupa ársmiða í sjoppunni á leikdegi.

Upplýsingar til áhorfenda:

• Tvö hólf verða á vellinum. Hólf A er stúkan.
  Hólf B er grasbakki sunnan við stúkuna.
  200 miðar í boði.
• Sér inngangur verður fyrir bæði hólf og númeruð sæti.
• Miðaverð: 1000 kr.
  (Börn fædd 2015 og síðar telja ekki með í fjöldatölu).
• Verið er að vinna í því að koma miðasölu upp í Stubb-appinu.
  Með miðakaupum á Stubb fer fram rafræn skráning á leikinn. Fólk þarf svo að gefa upp í hvaða sætum þau sitja og starfsmenn vallarins skrá þær upplýsingar niður.
• Hvetjum fólk til þess að mæta tímanlega.
  Hvetjum þá sem ætla að kaupa miða á vellinum að mæta með forskráðar upplýsingar á blaði með nafni, kennitölu og gsm númeri og afhenda starfsfólki miðasölunnar. Það flýtir fyrir afgreiðslu.
• Grímuskylda er á vellinum – minnum fólk á að halda fjarlægð, varast hópamyndanir og persónubundnar sóttvarnir.

Áfram Dalvík/Reynir!